بسم الله الرحمن الرحيم
في قرية من قرى فلسطين كانت مضرب المثل للإباء و المقاومة ظلت طوال قرون
معروفة بصمودها و عدم قدرة أي محتل دخولها رغم قلة عتاد أهلها ، إلا أن عتادهم كان
الإخلاص و التفاني في حب الوطن و الأهل ،و كانت تابعة إداريا للمحتل فكان كل من
يقومون بأمر الإدارة ، إما من العدو أو ممن يعينهم العدو ، فكانت أمور البلدة
ظاهرة واضحة أهل البلدة يد واحدة ضد العدو ز من يعينه العدو للقيام بشؤونها الإدارية
، إلى إن اقترح أحد أثرياء القرية على القائم بأعمال الإدارة اقتراحا غير موازين
القوى
إيه رأيك طالما يا شيخ محمد طالما لم نستطع كسر عزيمة رجال و نساء هذه القرية بالطريقة التقليدية
تعالى نناقش اقتراح سيزيد مكاسبي المادية و تزداد ثروتي ، و ستصبح أنت في منصب اعلي
و يرضى عنك من عينوك
اقتراح إيه يا مروان دي بلد استعصت على اقوي الجيوش رغم عدم وجود أسلحة
متطورة
اقتراحي يا شيخ محمد استخدمه أخبث الخبثاء و نجح في كسر عزيمة اخلص و اطهر الأطهار
قول يا مروان مش هنخسر حاجة
هنا دخلت عفيفة زوج الشيخ محمد ترتدي النقاب فتوقف مروان عن الكلام
قول يا مروان دي زوجتي عفيفة نفس المصلحة قول على اقتراحك و هي هتساعدنا
كمان
يا شيخ محمد طول ما العدو ظاهر و معروف البلد هتقف ضده و هتهزمة ، طول ما
العدو غريب عنا هيبقى مميز و الكل هيكشفه
طيب يا مروان هنجيب عدو منين يكون مننا و مش غريب
يا شيخ محمد اسمع الاقتراح و نفكر
مع بعض
لازم العدو الأصلي يوافق على خطتنا عشان يمدنا بالسلاح و بالأدوات و المال
عشان ننفذ خطتنا ، و بصفتك بتتواصل معاهم هتعرض الاقتراح عليهم
ماشي بس لما نفهم الأول
يا شيخ محمد أنت راجل عندك أكثر من ثمانين سنة
إيه يا مروان أنت جاي تفكرني بعمري
أنت يا مروان عملت فلوس و أنت ابن أربعين سنة إنا معملتش ربعها في الثمانين
السنة اللي أنت بتتكلم عنهم
يا سيدنا اسمعني
إنا قصدي انك خبير في الدهاء و معرفة أهل البلد كلهم و عارف مين نقدر
نشتريه بالمال و مين نقدر نشتريه بالنسوان و مين منقدرشي نشتريه
ماشي إذا كان كده فانا عارف أصولهم كلهم عارف اللي أصله مضروب و اللي أصله
سليم عارف نسوان البلد و رجالتهم
ده اللي إنا محتاجك فيه
كمل يا مروان
إحنا هنعمل مؤامرة اتعملت قبل كده و نجحت
مؤامرة إيه يا مروان و إيه اللي خلاك متأكد من نجاحها
لان اللي عملوها قبلي نجحوا و خدعوا ناس مستحيل حد يخدعهم
الأول اسمعني
تجلس عفيفة و تنصت في انتباه شديد دون أن تنطق
اسمعيني يا ست عفيفة الموضوع ده مسالة حياة أو موت يعني سر و سر السر نفسه
أنت يا شيخ محمد هتكلم اللي عينوك أنهم يقولوا انك كلمتهم عشان مصلحة البلد
و لازم يرفعوا اديهم عن البلد و يحكم البلد راجل منها و تكون القرارات نابعة من مصلحة
البلد و أهلها
أزاي أنت عايزهم يدبحوني
يا شيخ ده كلام للخداع
آآآه فهمني
و قبل ما هم يقولوا الكلام د هانت في خطبة الجمعة هتقول لأهل البلد إننا
لازم نبقى يد واحد ضد العدو و إننا لازم نصمد عشان نستقل عنهم ، و شوية كلام من
بتوعك و إن معروف بلسانك اللي بينقط عسل
و بعدين يا مروان
هتقول انك هتشكل لجنة من المخلصين للبلد عشان يديوروا شؤون البلد بعد
الاستقلال
لجنة إيه؟
اسمع للأخر
اللجنة د يهتكون فخ نعرف الناس من
بعضها اللي هيتقدموا من المخلصين و البلد كلها هتجمع عليهم دول هيكونوا أول ناس
نخلص منهم في خطتنا
و اللي الناس هتلفظهم دول هيكونوا أدواتنا
يا مروان الحكاية مش محاجة كل التعب ده
لو عايز أقولك مين المخلص و مين المنافق و مين نتخلص منه و مين نأخذه معانا
أقول لك
عرفت منين يا شيخ محمد
هههه عرفت منين إنا عندي خفراء بيسهروا طول الليل لحراسة البلد ، أنت عارف
هم بتعبوا قد إيه
عارف يا شيخ محمد
يا ترى أنت عارف هم بيتعبوا في إيه ؟
في السهر على تامين البلد
هههه تامين البلد لا تأميني إنا و نقل كل صغيرة و كبيرة بتحصل بالليل لي إنا يعني الواد فلان راح لمرات
فلان بالليل ، و البت الفولانية حبلت من فلان اللي هو مش جوزها ، و العيلة الفولانية
مين مفتاحهم اللي بلاويه كثيرة نستخدموا وقت ما إحنا عايزين
تعرف يا مروان العيال اللي عاملين مشايخ إنا اللي عاملهم و بلاويهم كلها
معايا و مبقولوش كلمة إلا ما اعرفها قبل ما يقولوها
دا أنت بلوه يا شيخ محمد
أمال أحفظ مكانتي أزاي و أحافظ على نظام البلد أزاي و اللي يطلع عن طوعي
بلاويه معايا بالصوت و الصورة
طيب إما شوية العيال اللي قارفينه دول معملتش معاهم حاجة ليه ؟
يا مروان دول نضاف عارف يعني إيه نضاف ، أنت مالك ومال النضافة
تعرف يا مروان إن اللي العيال دول قد ما هم تاعبيني و قارفيني إنا معجب بهم
قوي قوي
يا سلام يا شيخ محمد هتعملهم عليا
إحنا يا مروان من طينة واحدة و فاهمين بعض
المهم إنا دلوقتي هقول لك مين اللي هنستخدمه يساعدونا في تنفيذ خطتك
مين دول يا شيخ مروان
هات ورقة وقلم
1- الشيخ عبد الرحمن ابن خضرة
2- الشيخ حكيم بن سنية
3- الشيخ طاهر بن نبيلة
4- الأستاذ عمرو بن عفاف
5- الدكتور سعيد بن زينب
6- الضابط فارس بن ذكية
إيه يا شيخ محمد كلهم بأسماء أمهاتهم ليه ؟
عشان هم دول اللي مش معروف مينا بوهم و أمهاتهم عارفة كده و كله مسجل
بالصوت و الصورة ، مش هياسعدنا على خراب البلد غير ولاد الزواني
تعرف يا مروان قول يا شيخ محمد
إنا عارف انك منهم
بتقول إيه يا شيخ محمد؟
متزعلشي يا بن الحسب و النسب الله يرحم امك لو عايز افكرك
يا شيخ محمد أرجوك متجبشي سيرة الميتة
تعرف يا مروان
يلاش بقى يا شيخ محمد عشان متزعلنيش و منكلمشي
لا طبعا إنا مقدرشي ازعلك و لا أنت تقدر تزعل مني
عارف ليه
ليه يا شيخ محمد
عشان مصلحتنا واحدة و اصلنا واحد
ليست هناك تعليقات:
إرسال تعليق