الميم في مصر محبة و ما حدش بيكره حد
و الصاد يا صابرة يا صالحة ملكيش شبيه و لا قد
و الراء روايحك تفوح معطرة بالورد
الميم يا مصر ملاك بيحميكي من الغادرين
و الصاد صمودك يا امي حير الطامعين
و الراء رماني الشوق على صدرك
و الصاد دا صدرك كله حنية
و الراء دي روحي بيكي مبلية
الميم يا مصر مقدرتش على بعدك
الميم مليش يا مصر حبيب بعدك
و الصاد صباحك صبايا نوروا الدنيا
الصاد صلاة الحب محرابك
و الراء رقتك على الحبيب نسمة
الراء بترسم على وجه العشيق بسمة
يا مصر جمال ضفايرك في الوجود طايرة
و لون شفايفك يا مصر فيه القلوب حايرة
دا انتي جنة جمعتي قلوب حبايبك حواليكي
بيقدموا روحهم فداكي من اعاديكي
ليست هناك تعليقات:
إرسال تعليق