أنا عايزة راجل أعيش في ضله
يشم وردي و أشم فله
اكون له نفسه يكون لي كله
أقول له حاضر يقول لي أمرك
أسير وراه و لا يعصى امرى
أشيل معاه يرتاح ضميري
يعين معايا يكون أميري
أقول له آه يقول لي لي مالك
أقول له مالك يقول بحبك
يقول بحبك أقول بحبك
أنا جايا عندك لأ هاجي جنبك
يحس بيا حتى في منامه
و اشارك هو حتى في ألامه
أقول يا عيني يقول لي عيني
بحس بيا و كنت هو
في قلبي جوه و ف قلبه هو
يعين لي ايده بلقمه حلوة
أمد ايدي لبقه هو
ياريت ياماما يكون نصيبي
جدع حليوه و ايده ايدي
جدع يصوني و أصون عياله
يعيش زماني و أعيش زمانه
ادعي لي يا مه أ لاقي راجل
تكون رجولته راحة مراته
اكون سعادته باقي حياته
يعوض أمي حتى و أبويا
يكون حبيبي يكون اخويا
اكون له روحه و اكون حياته
اكون حبيبته اكون مراته
يقسم معايا لقمة هنية
مفيش فقيرة مفيش غنية
يقسم معايا عمري و حياتي
يديني عمره ياخد حياتي
ياريت يا أمي مكنشي بحلم
و يكون نصيبي راجل بيحلم
و اكون في حلمه أجمل رواية
نعيش سويا حتى النهاية
